“Gjatë natës uritesha dhe haja sandviçë. Pas një kohë e urreja veten. Fillova të mendoj se çfarë do të ndodhë me jetën time. Një natë piva një shishe uiski, sasi të madhe të birrës dhe një grusht me tableta. Në mëngjes u zgjova në spital”, ka treguar ai për Daily Mail.
Sot ai është në një lidhje serioze, duket shumë mirë dhe punon si trajner personal me nofkën, Mr. Muscles.
Gjendja e tij i kishte shkaktuar depresion që e kishte shtyrë të tentojë vetëvrasjen duke pirë tableta. Mirëpo, ai i mbijetoi tentim-vetëvrasjes dhe ky ishte momenti i kthesës në jetën e tij – ai vendosi të humbte në peshë dhe të bëhej më i shëndetshëm.
“Kilogramët e tepërt erdhën me alkoolin. Pija një shishe të plotë me uiski dhe gjashtë kanaçe me birrë çdo natë. Nëse nuk kisha uiski, pija 18 kanaçe me birrë, që do të thotë se konsumoja 3.000 kalori alkool në ditë”.
